新銀座- locker, 水池, 擦背 - 扺讚
真係要讚下呢間場d locker 同 水池 同 擦背。
昨晚我去了新銀座. 入到 locker, 無 locker 仔招呼, 越行越入, 終於有人理下我. 換完衫, 入到水池, 佢地成班好團結響到睇電視, 一眼都唔望我. 個擦背佬仲勁, 坐左係水池到睇電視. 沖完涼換衫, 一樣無人理. 我企左一陣, 響我隔離那位水池終於理下 (不過佢唔係理我) 而係大聲叫另一位, “喂, 有人換衫呀!” 咁, 就有人走埋黎招呼第衫. 好扺讚的 ---- 分工合作！
今朝訓醒, 再入去, wah~ 人山人海! 成十幾人圍埋一齊. 不過唔係客人, 係班locker仔, 水池仔, 同擦背. 成班聚會咁, 大大聲. 有d仲吸埋煙, 有個水池定locker仲同個擦背仔椾骨添! 勁呀! 好friend呀! 不過, 我就一樣係無人理. 無論我去開鎖鎖電話, 飲水無水, 吸煙無煙灰缸…..都無人理. 好自由!
跟住有個水池/locker走去 "or 史", or 完又唔沖水, 跟住另一個發現, 大聲叫佢翻去沖水. 好團結. 有d仲走埋去沖涼, 自由自在, 自己地方, 睇得出, 佢地翻工好開心.
到我走, 去到locker, 一個叫我行入去坐, 咁我行入去, 另一個又叫我行翻出去, 比佢地點到暈. 坐低換衫, 佢第衫急到死, 趕住收工咁, (係趕住收貼士至真). 當我雙手著緊褲, 佢就隊件嬲埋泥, 當我雙手著緊鞋, 另一個又隊杯水埋黎. 點接呀, 大佬. 於是佢羅走杯水, 到我走, 都唔再俾水我飲. 好有原則! 扺讚!
終於我比左十元人仔貼士. 但佢個樣好唔like咁? 咁又係, 人地俾咁多自由你, 又當正你朋友咁, 令你毫無拘謹, 你無理由俾咁少貼士. 下次再去, 要預定500元貼士俾佢地至得.
[ Last edited by colourwolf on 2007-3-2 at 02:18 ]
