
九龍灣麗晶花園早前爆疫,但當區區議員畢東尼身處英國探親,被狠批置居民安危於不顧。因應英國出現變種病毒株,港府禁止英國航班抵港,畢東尼滯留當地,化身「當地區議員」,為身處英國�H港人爭取權益喎。
畢東尼話作為其中一個身處英國�H港人,更加明白要返香港真係好難,包括要一早預約酒店房間作隔離,上機前要通過病毒檢測、抵港後更加要安排車輛前往酒店。畢東尼話原本已經安排好喺今個月返香港,不過依家機票同酒店房間一同被取消。
歐洲各國都採取類似措施,禁止英國航班抵達,但畢東尼認為香港對海外來港人士�H防疫措施已經夠嚴謹,唔應該盲從歐洲�H嚴厲封鎖咁話喎。畢東尼擔心港府要等到開始接種疫苗,先為英國航班解封,已經去信食物及衞生局,要求提供解封準則。睇嚟畢東尼都擔心唔知幾時先可以重回工作崗位,而要畀市民繼續狠批喇。
https://hk.on.cc/hk/bkn/cnt/news/20201222/bkn-20201222175313214-1222_00822_001.html