塔門淪陷？有網民聖誕節到西貢露營勝地塔門遊玩，指當日眼見不少人到塔門露營，卻發現不少營友並無愛護郊野，行為不負責任，直斥「個個以為自己紥個營就係山上�H主人」，令塔門變成旺角。眼見塔門膠袋滿地，有牛險被逼呑膠袋落肚，紙尿片亂扔，到凌晨1點仍有一班營友大大聲「隊紅酒玩UNO」，網友慨嘆有營友忽視其他營友感受。無獨有偶，同日亦有山友發現塔門營地有男童極不友善用營棍揮打野牛，令牛牛生存受到威脅，似乎塔門的生態正響起警號！
「尋日頂唔順憤青上身5次叫人唔好咁咁咁，來回執咗好多次就嚟畀牛呑落肚�H膠包裝。個個以為自己紥個營就係山上�H主人，知唔知其實大家�H躁音、垃圾、對牛既態度，就嚟連個山都玩爛埋。我哋玩一晚半晚，人哋牛牛要住一世。」網友Tracy日前（26日）在網上公開呼籲，希望到塔門遊玩的人，能夠有常識及負責任一同愛護郊野。
她解釋，聖誕節當日（25日）眼見塔門滿目瘡痍，有人未有將垃圾包好，只將垃圾袋放營邊，且地下留下不少垃圾「Gas爐膠蓋、糖紙點都有啲」，甚至「有位阿太見風吹咗一條BB紙尿片去佢度，佢就將塊片掉入草叢。」Tracy擔心垃圾污染大自然之餘，更會令塔門的牛隻誤食垃圾，她慨嘆：「你見到牛牛個肚不合理地脹晒，就知道佢地食幾多我哋�H垃圾。」
除了垃圾影響牛隻生活，Tracy又注意到因為人滿為患，塔門的草地愈來愈少，牛隻被逼走近人群食草，但有不少人見到隻牛行入自己「地盤」，「就即刻英雄上身」，手執樹枝趕牛，她呼籲遊人：「其實我哋搞到塔門草越黎越少，人哋（牛）想食自己�H草越嚟越難。如果牛牛喺你旁邊食草，好心就畀條生路人哋行。」
最後，Tracy又不明白有營友為何在夜深仍可製造大量噪音，影響他人。她表示，一晚的凌晨1點，她仍聽到露營的「鄰居」大聲聽歌，更大聲玩牌飲紅酒。她於是憤青上身，上前希望對方「夜深請將音量收細」，但對方竟反駁指：「無計㗎喎，第一次聽露營過12點要細聲…你聽朝6點起身我話你嘈得唔得吖！」令Tracy深感無奈。
她慨嘆部分香港人並不珍惜郊野：「成日講保護環境，但人一日睇到自己咁大，一日都會繼續消耗地球至殆盡。新一年，但願你我在大自然面前認識自己何其渺小。行多一步真係唔使死�H。」Tracy希望，新一年將至，香港人能夠反思一下如果對待正確對待大自然。
無獨有偶，網民趙先生在同日(25日）亦發現塔門營地有男童用營棍打野牛驅趕，當時男童對牛牛極不友善更帶有敵意，他立即上前為野牛抱不平，更解釋「牛牛先係呢度（塔門）主人」。趙先生事後同在Facebook發帖，慨嘆近年多人去露營，但卻未有學懂對大自然有應有的尊重。
網民有話說
Chung Fei：真係心聲，借分享。
Joe Cheung：我未必有你咁�H勇氣。所以我揀咗唔去，真係唔識得去面對呢啲以為自己大晒�H人類，仲要教到小朋友都係咁，實在睇唔落去同會嚴重影響我本來�H情緒，最終我選擇避開。所以，畀個大叻你。
Gus Lee：如果家長是垃圾。話之你帶細路行埋喜瑪拉雅山，都唔會懂得欣賞自然，尊重生命。
Ka Yan Tong：有啲人識生唔識教，真是無家教，動物也有生存權利。
