部份移英港人「水土不服」選擇回流，一對港人夫婦則因為感到香港悶，就移民去英國。然而，去到英國之後，才發現並非其他人口中讚到天上有地下無，曾遇到一個半個賤人，影響整體觀感。而最難以接受是「出街食飯就貴得有D過分」。他自問英文水平未達B2要求，話諗住如果情況不似預期，就會走人咁話。
一名移英港男在社交平台threads發文，指自己與太太今年移民去英國，由於多咗好多不明朗因素，所以未出發前與太太開咗幾次緊急家庭會議，重新審視係咪照去定縮沙。他提到要考慮的問題，包括：點解仲要去？如果情況不似預期，又或者適應唔到、頂唔順，可以點算？有冇信心英文考到B2？揀邊個城市？
樓主結果得出移民原因是因為悶，「喺香港咁多年開始有啲悶，趁未死出去經歷吓。」他自問英文水平未達B2要求，但早知有伏都照去，話又有幾年時間準備，唔得考到得囉。不過，樓主亦諗定後路，話如果情況不似預期，又或者適應唔到、頂唔順，就會走人，「返香港係其中一個選項，但唔係唯一選項」喎。
樓主選擇倫敦為落腳點，話「網上好多資訊，但係始終唔係親身經歷。唔敢高估自己�H適應能力，所以雖然可能會洗多咗，都選擇取易不取難，先喺倫敦租返一年屋，之後再作打算」。
正所謂「理想很豐滿，現實很骨感」，樓主到埗英國後別有一番感受，「同一個地方，有人讚到天上有地下無，亦有人踩到一文不值，暫時我覺得兩樣都唔係。感覺上倫敦比香港有朝氣，大部份人不論種族都算友善有禮，但係間中都會遇到一個半個賤人，影響整體觀感。」樓主又比較兩地的消費、食物，天氣等因素，指「部份消費比香港略貴但仍可接受，唯獨出街食飯就貴得有D過分，不過又唔覺得特別難食喎，可能因為我哋平時食開屎啦。天氣凍就真�H，不過冇想像中咁凍。」
有網民留言提醒「如果唔夠錢，勸你嚟探路先，否則驚你後悔」、「唔少兩公婆移民搞到關係差咗，甚至離埋婚，小心呢樣」、「FYI 你嚟到第三年就係2029年英國大選，到時候如果Reform上台，BNO Visa�H命運無得預計。最壞情況係到時你喺英國準備落地生根，但係到時候成個visa scheme天翻地覆，咁你就會半天吊。做好心理準備。」
https://www.dotdotnews.com/a/202602/11/AP698c230ce4b0c32d4f6894e5.html
