有車主在赤口爆粗鬧清潔工。我長大於大角咀圖片
今日大年初三「赤口」，傳統上容易與人口角爭執。在大角嘴有車主相當「火爆」，以粗言怪責清潔工年初三洗街揚起灰塵，令泊街邊的私家車變髒。
Facebook群組「我長大於大角咀」有網民上載一張清潔工清洗街頭的照片，旁邊有幾輛聲稱，「赤口X咗佢哋幾下，個個啲車新年先打完蠟洗晒車，你哋一洗地就將啲泥塵打返晒上架車！」。
言論引起網民激烈抨擊，指事主無事生非、無理取鬧，「泊得街就預咗」、「清潔工初三都開工呀，咁錫車唔好泊街，攬埋返屋企啦」，「洗晒車打晒蠟唔好揸出街丫嘛，搵個套笠住佢」。
也有人認為應該體諒清潔工過年都無法休息，清潔街道服務市民，「唔通為咗你部車乾淨唔洗條街咩」、「初三唔駛做咩警察都要抄牌啦」、「當大家跟長輩拜年相聚時，偏偏一群年老為生計的清潔工按本分工作，還要在新正頭被樓主用粗口無理辱罵，請樓主好好檢（討）一下」。
不過事主拒絕認錯，反駁：「你哋都幾好笑嫁喎，初三開工關咩事？我逼佢開？泊街係預咗架車會咁？就咁睇都見到佢哋並唔係唔小心，你估條街洗地你個人行過唔小心洗到你你地會唔會出聲？真係神邏輯。到時我又會叫你怕污糟唔好出街架啦」。
新聞來源
http://std.stheadline.com/instant/articles/detail/927820-%E9%A6%99%E6%B8%AF-%E7%B6%AD%E6%B8%AF%E6%9C%83%EF%BC%9A%E8%BB%8A%E4%B8%BB%E8%B5%A4%E5%8F%A3%E7%88%86%E7%B2%97%E9%AC%A7%E6%B8%85%E6%BD%94%E5%B7%A5+%E6%B4%97%E8%A1%97%E7%81%B0%E5%A1%B5%E6%B2%BE%E6%B1%A1%E6%B3%8A%E8%A1%97%E6%84%9B%E8%BB%8A
