劏客？！有港男在社交平台發文指，觀塘一間川菜店門口玻璃貼上「本店『沒有水』供應，可以選擇$6買，多謝合作」。不少網民鬧爆食店「太計較」、「縮骨」，直言「執笠唔好問點解」。不過，亦有網民覺得無問題，「真係唔明，人哋明碼實價都要俾人話，自己可以選擇去唔去」。
該名港男在fb群組「飲食黑店大全（全港食店質素／價錢／服務關注組）」中貼出相片，指觀塘廣場有間四川菜食店，門口玻璃竟貼上「本店『沒有水』供應，可以選擇$6買，多謝合作」。
帖文引來網民熱議，不少人鬧爆食店「太計較」、「縮骨」、「有冇計過！為咗一杯水！冇咗幾多個客！！」、「 咁就實唔會執啦！」、「等死，客人好快，自然流失」、「仲要6蚊支，睇死佢都係俾最細size果隻你」、「比水人飲都咁計較，等執啦！」、「太計較因小失大，好快收埋洗碗費」、「執笠唔好問點解」。
不過，也有網民支持食店的做法，「出街食飯太計較真係最好留喺屋企食」、「果然坦白，客人可以自由選擇」、「店舖無提供咪自己買囉，唔明點解啲人咁得意，好似一定要提供俾你咁。」
https://www.dotdotnews.com/a/202503/04/AP67c568f6e4b0e343b0e20b56.html
