標題:
佐敦食肆只收現金食客帶唔夠錢 豪氣老闆一句「XX」抵銷差額 港男大尷尬轉頭咁報恩
[打印本頁]
作者:
gary_yip
時間:
2025-8-11 00:47
標題:
佐敦食肆只收現金食客帶唔夠錢 豪氣老闆一句「XX」抵銷差額 港男大尷尬轉頭咁報恩
本港的好人好事又多一宗。有港男早前與同事到佐敦一家食肆午膳，埋單時卻發現只收現金，在唔夠錢找數的尷尬情兄下，老闆卻豪氣地拋出兩個字來抵銷差額。數還數，路還路，大受感動的港男轉頭即還錢，並做一事報恩。
樓主唔夠錢找數：大鑊，點算？
樓主早前在社交平台Threads上載涉事單據發帖：
黐X線，香港點解會有呢啲老細，食完飯埋單，問坐喺收銀�H老細：「除咗現金仲可以俾咩？」，老細話「淨係收現金」（有啲兇）， 即刻問幾個同事有冇現金，兩個同事都話冇，我喺銀包攞咗兩張$100出嚟，我心諗「大鑊，點算？」。
跟住老細一手搶咗兩張$100，跟住佢講句「得啦」。我呆咗，我話「點得呀？」，老細補多句「得啦」，咁我咪同佢講返，「我下次嚟俾返你」，老細話「唔好講呢啲」（有啲兇），喺香港生活�H人都知，俾少1蚊都出唔到門口，活咗30幾年，真係未見過咁樣�H老細。
樓主連隨再發帖和上載相片補充：「唔好意思，我無講清楚，寫呢個post（帖文）�H角度，係想讚個老細，我寫實地寫出同老細�H對話，完全冇貶義，老細係豪氣之人，又好人，又細心」、「做完嘢還返錢，請老細飲嘢，好人要有好報」。
單據顯示樓主3人共消費233元，老細一句「得啦」，直接豪氣抵銷了33元的差價。而樓主放工後，即帶同餘款和一罐啤酒到場還債和報恩。
網民：最好味都係人情味
回應的網民深有體會，精警地點出事件精髓「最好味都係人情味」。另有不少人大讚這位豪氣老細，指「呢個老細冇得頂」、
「祝老闆生意興隆工作順利」、「咁好�H老闆，真係要多多幫襯，免得又少一間港色食肆」。
有人更加表示：「依啲老細通常做街坊生意多，以前去屋企樓下買嘢，都可以後尾補番」、「電子支付流行�H情況下，我成日出現一係周身冇蚊，一係幾個月都用唔到500蚊cash（現金）。老細真心好人，你行去再去幫襯下啦。家下食肆真心難做」。
網民：粗聲粗氣又好親切 香港特色
接著有網民指出「好鍾意呢啲粗聲粗氣得嚟又好親切�H對話，香港特色嚟」、「好多遊客（尤其是台灣人）都話香港人外冷內熱，可能呢個老闆都係！」。
有網民續稱，「其實好多小店老闆都係咁，講嘢粗粗魯魯俾人感覺冇禮貌。但其實骨子裏都係隨和，冇乜所謂。自己都試過唔記得帶錢或者唔夠現金，同老闆講聲佢哋都回應『轉頭返嚟俾返啦』，有時仲要串串地加多句『睇你個樣都唔似呃嗰幾十蚊』。可能有啲人會覺得『我係客，舖頭咁�H語氣唔尊重客人』，但我自己就接受到呢一種市井式招待」。
https://www.stheadline.com/local-topics/3488997/
歡迎光臨 桑拿街論壇 (http://www.sauna-88.com/forum/)
Powered by Discuz! 6.0.0
