標題:
港鐵站ATM提款離奇被搶 港男1方法撳錢身後女子藉此搶走：啲錢唔係你！
[打印本頁]
作者:
bingo
時間:
2025-7-31 21:57
標題:
港鐵站ATM提款離奇被搶 港男1方法撳錢身後女子藉此搶走：啲錢唔係你！
有網民在港鐵站恒生銀行ATM提款機，目睹一幕離奇搶錢事件，有男子提款後，被身後女子即時伸手搶去，女子更理直氣壯大叫：「啲錢唔係你嫁喎，你都冇插卡！」事件起因與港男以無卡提款有關。
事件引發爭議，有網民指女子「知識唔夠」，但有網民則懷疑她「乘機偷錢」，有人更聲稱已透過電子報案中心，代事主向警方報案。
事發在本周二（29日），有網民在社交平台發帖講述當時情況，他在一個港鐵站恒生銀行ATM提款機，排隊提款，「隔離條隊有位男士用無卡提款，係現金吐出嚟個一刻，排個位男士後面個女人，突然伸手去攞走個位男士�H現金」。
他表示，該女子搶走現金後大叫：「啲錢唔係你嫁喎，你都冇插卡！」之後，男子向女子解釋：「佢用無卡提款。」「附近�H人都同嗰個女人解釋，乜嘢係無卡提款」，最後，該女子「先死死氣咁畀返啲錢人，走鬼咗去」。
網民稱已報警：乘機偷錢就真
事件掀起熱議，有長期使用無卡提款的網民亦透露遇過相似情況：「我都試過，之後又係畀個阿嬸鬧我攞人d錢，畀成個地鐵站d人望住。」
有網民截圖聲稱已透過電子報案中心，代樓主向警方報案。部份網民懷疑該女子藉機搶錢：「就算唔知無卡提款，個位女人無權攞走現金；也不是她的；這位女士乘機偷錢就真。」
網民焦點在就算懷疑前面男子取走別人現金，身後女子亦不可據為己有：「D錢都唔係個女人，佢憑乜去搶。」「D錢唔係個男仔，就會自動變成屬於個女人嗎？乜嘢邏輯？」
網民認為：「我覺得根本就唔係冇常識，佢係搶嘢呀！」「個女人係扮傻想搶錢就真。」「乘機搶錢的人到處都有。」有長期使用無卡提款的網民紛紛表示「下次要注意下先」，「我平時都係無卡取錢，好彩未遇到傻人。」
有網民撐搶錢女：只是知識唔夠
不過，部份網民則認為該女子只是「知識唔夠」，相信她本意是「見義勇為」：「嗰位女士只是知識唔夠，其實都係一位見義勇為的人士。相信大部份人，如果見到别人用自己以為不合理的方式取錢，又唔係取自己的錢，可能都係唔出聲，唔理會。」
本港銀行早在2019年底陸續推出無卡提款服務，恒生銀行是其中一間最早有此服務的港銀。無卡提款有多種方式，主要通過手機應用程式和自動櫃員機上的二維碼（QR Code）或NFC技術實現。很多銀行都提供這項服務，例如匯豐、恒生、渣打、中銀香港和東亞等等。
https://www.stheadline.com/local-topics/3486216/
作者:
bingo
時間:
2025-7-31 21:58
標題:
同場加映：上水ATM機撳錢突被女子死纏：「做乜攞咗我錢！」「屈錢黨」新招行騙
有男網民在上水銀行櫃員機提款，懷疑遇上「屈錢黨」以新招行騙，該男網民在「撳錢」後，突被一名女子攔截死纏：「做乜攞咗我錢！」要奪走他剛提取的5千多元現金，百詞莫辯下，港男教路最後可靠一招，免報警下甩身。
事主近日在「北區靠北」FB專頁發帖，分享這宗疑似新型騙案的全過程。
「先生，你做乜攞咗我5千蚊！」
事發在上周二（10月31日）下午2時30分，他在上水彩園商場滙豐銀行的櫃員機「撳錢」，他總共提取了5,500元現金。
當拿過錢後，身後即傳來一位女子以不流利廣東話，大叫：「先生，你做乜攞咗我5千蚊！我頭先唔記得攞錢。」
原來那女子疑趁事主提款後，即現身「屈」事主取走她剛才「忘記掹走」的現鈔。
「二十幾個街坊望住我」
當時情況彷彿「口同鼻拗」，事主形容那時感覺「真無奈」，現場「二十幾個街坊望住我」。
幸好事主冷靜處理，在未有報警的情況下，用以下這方法成功「甩身」，洗脫嫌疑，事主教路遇到同類情況，甩身的方法，詳見下列圖輯：
雖然事主最後讓騙徒知難而退，但事主坦言：「咁樣被屈，好唔開心，覺得條氣唔多順。」
網民：搵食新招 擺明想搶
不少網民形容這是「搵食新招」，「你應該係遇到白撞�H騙子。」「影佢大頭，叫啲街坊小心嘛。」「條友擺明想搶。」有網民又提醒銀行櫃員機均設有閉路電視，現場有記錄，除事主的方法可證清白，亦應報警，不要輕易被騙徒一兇，即將金錢拱手奉上。
https://www.stheadline.com/local-topics/3288585/
歡迎光臨 桑拿街論壇 (http://www.sauna-88.com/forum/)
Powered by Discuz! 6.0.0
