標題:
76歲老翁搭上43歲內地婦火速再婚 與五子女反目450萬存款不翼而飛？
[打印本頁]
作者:
我係廚房仔
時間:
2024-5-7 06:33
標題:
76歲老翁搭上43歲內地婦火速再婚 與五子女反目450萬存款不翼而飛？
TVB節目《東張西望》今日報道，一個76歲的老翁「何伯」在街市，認識一名比他年輕逾30年的內地女士，兩人人極速發生關係，隨即簽字結婚。不過何伯五名子女認為新後母只是想騙父親身家，因而關係決裂。何伯隨後更大控訴，細女將銀行聯名戶口的450萬元取走！
街市飲湯飲出真感情
76歲何伯太太在9年前因病離世，留下何伯與五名子女，多年來一直相處融洽。不過近日何伯搭上一名有18歲兒子、比他年輕30年的內地婦人，更極速結婚，何伯亦與五名子女闗係決裂。何伯指新何太在街市擺臨時攤位，而何伯則在對面的報紙檔：「大家你眼望我眼，幾好；佢煲湯畀我飲，我就飲，佢啲湯又幾好飲，我就飲出感情，大家就簽紙。」新何太此時再爆兩人經常互相買飯：「佢好感動，覺得我懂事。」不過何伯結婚後，引來子女強列不滿，更直指新何太想騙錢。
送2卡鑽戒逾10萬名錶
原來兩人認識才一個多月，新何太就主動向何伯提出結婚。新何太臉帶甜蜜笑意說：「同佢行密咗，發生咗啲關係，就決定結婚。」而何伯則表示：「太太話我哋真係相愛，不如去簽結婚證書啦。我話好，不過遲啲畀我諗諗先，後來去簽紙。」何伯對新何太相當闊綽，定情信物是價值逾13萬元、超過2卡的鑽戒，以及價值10.3萬的勞力士腕錶，新何太與何伯異口同聲表示：「結婚禮物。」何伯更說：「我鍾意我老婆，佢要咩我都想畀佢。」
老翁：我一睇佢就係老實人
何伯指結婚後，五名子女態度立即大變：「佢話，點解識咗個女人，而家好多內地女人係呃錢。我諗我信得佢過，唔會𠱁我錢，我心目中佢唔係壞女人。」何伯更明言：「冇擔心過，我一睇到佢就係老實人。個個都針對佢，你話我幾心痛吖。」
相關閱讀：東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息
欲打本100萬予愛妻做餐飲生意
原來何伯與新何太相識一個月，新何太已經叫何伯從定期戶口提早取出100萬做生意。何伯解釋：「我諗住佢……」新何太即搭嘴：「想做餐飲，覺得香港餐飲業有得做。」何伯指定期原定6月28日到期，問到為何不多等幾個月待定期完結，何伯未有解釋，只說：「諗住搞啲生意仔，覺得老婆老實，唔會呃我啲錢。」
不過何伯2月19日去銀行想領錢時，卻發現戶口款項已經不翼而飛。原來何伯的定期戶口與細女聯名，又指要雙方簽名才能夠提款，而當時銀行職員亦提到提早領錢要罰息11萬元。新何太指：「佢話要罰息我哋都考慮咗一陣，佢仲要叫個女嚟簽名，佢咁講就hold住先。嗰個銀行職員就話等到期就可以自己攞，佢（何伯）都叫職員開個個人戶口。」
相關閱讀：東張西望丨8旬老翁出軌搭上泰妹離家出走！與印傭三人同居 最後竟鬧上法庭
450萬定期被細女領走
不過事後職員又表示戶口中的450萬，已被女兒以本票形式匯走。何伯指：「我仲喺人世，佢攞咗筆錢走我唔知。佢（職員）話我同意單簽，我都冇同意。」何伯表示銀行職員一直指其聯名戶口是「單簽」，即只需其中一人簽署就能提款，不過何伯卻表示未有同意過：「我一定要雙簽，如果係單簽�H，我駛乜咁穩陣吖？」新何太亦搭嘴道：「雙簽係為咗防個女！」何伯表示當時隨即致電細女，不過當時女兒跟他說：「你同佢雙宿雙棲啦，而家你戶口得返4,200蚊。」
新何太爆喊反擊
節目亦播出何伯、新何太與銀行職員的錄音，何伯再三問職員雙簽問題，而職員指是根據「白紙黑字」，內部亦已經查清楚：「因為你哋當初指示，其實係任何一位都有效。」新何太亦直說：「你哋錯晒喇！」銀行之後回覆指今次處理並無違規，不過何伯堅持：「我對你總行回覆非常唔滿意，因為定期戶口係雙簽，但係利息存摺就單簽，我覺得好清楚㗎喇！」
新何太更大爆何伯與子女關係決裂後，曾兩度欲輕生，新何太還爆喊說：「你死咗，將來個女搵我算賬……」明日《東張西望》將繼續播出個案，被指貪錢的新何太亦繼續大反擊。
https://www.stheadline.com/film-drama/3341714/%E6%9D%B1%E5%BC%B5%E8%A5%BF%E6%9C%9B%E4%B8%A876%E6%AD%B2%E8%80%81%E7%BF%81%E6%90%AD%E4%B8%8A43%E6%AD%B2%E5%85%A7%E5%9C%B0%E5%A9%A6%E7%81%AB%E9%80%9F%E5%86%8D%E5%A9%9A-%E8%88%87%E4%BA%94%E5%AD%90%E5%A5%B3%E5%8F%8D%E7%9B%AE450%E8%90%AC%E5%AD%98%E6%AC%BE%E4%B8%8D%E7%BF%BC%E8%80%8C%E9%A3%9B
歡迎光臨 桑拿街論壇 (http://www.sauna-88.com/forum/)
Powered by Discuz! 6.0.0
