桑拿街論壇 - Powered by Discuz! Board

標題: 拐杖婆婆陪愛女用餐疑被趕; 小店︰唔食出去企！ [打印本頁]

作者: 80後宅男 時間: 2018-1-27 04:32 標題: 拐杖婆婆陪愛女用餐疑被趕; 小店︰唔食出去企！

一向主打人情味的小店，竟被鬧爆無良心？近日有網民於Facebook群組「柴灣人柴灣事」發貼，大鬧一間餐廳竟將拐杖婆婆趕出店外企着等！

發貼者稱事發於星期四（25日），她與年邁的母親於小西灣本灣街市內一餐廳進餐，落單時已跟職員表示其母親只是陪伴她進膳，不會點餐。

其後餐廳有客人等位，有職員欲要求發貼者調枱，她引述指：「叫呢個女人（即係我）坐去隔離（籬）枱，叫個阿婆出去企，佢唔食嘢丫（呀）嘛」。

她護母心切，即時跟職員理論︰「要揸枴（拐）杖嘅老人家喺門口企？你唔會老㗎？」該職員反駁指︰「唔食嘢係唔可以坐㗎」，更稱設有「最低消費每人28元」。發貼者大感憤怒，認為她早於落單時已解釋清楚，豈料餐廳「一時一樣」。

不少網民斥餐廳無理，「事件中的呢D（啲）所謂『小店』根本應該早折（摺）早着」、「冇良心企業」；甚至有網民呼籲街坊罷食。

《港呢啲》向涉事餐廳求證，餐廳負責人指當時「叫個阿婆出去企」的言論，只是職員間的對話，已即時勸止︰「我叫佢（職員）畀人哋食埋先」。惟對話內容被事主聽到，當時已向其解釋。

負責人指，最終並未趕走婆婆，亦沒有向婆婆收取額外費用，但她坦言︰「我哋小本生意，有最低消費都好正常」。你哋又撐邊個呢？

http://hk.on.cc/hk/bkn/cnt/news/20180126/bkn-20180126162415346-0126_00822_001.html

歡迎光臨桑拿街論壇 (http://www.sauna-88.com/forum/)