點部署?!有移英港男在網上發文表示，隨着5加1接近第5年，身邊同網上都多了人提到流香港的話題，推測會有唔少BNOers拿到永居及入藉後會選擇回流，直指「起碼響而家呢一刻，香港真係好過英國好多。」
該名移英港男在社交平台threads發文表示，「隨着5加1接近第5年，身邊同網上都多咗人講回流香港呢個話題。可以預期，攞到PR(永久居留權)及BC(英國國籍)後，只要香港情況冇乜大變，會有唔少BNOers回流香港。」
2021至今，越來越多移英港人接近可以申請永久居留權。樓主指，「近排感覺到唔少移英港人部署取得PR或BC後回流香港。客觀講，論物質富裕及生活方便程度，起碼響而家呢一刻，香港真係好過英國好多。」不過，樓主認為要回流亦不容易，「唔少移英港人已經響英國買咗屋，移民過程亦用咗好多錢，回流返港，安頓香港生活又要洗一大筆，回流條路唔一定易行。」
帖文引起移英網民熱議，聽聞不少人已計劃回流，「大把人係響度混時間。拎完護照就走㗎喇」、「我知道好多人高價賣咗港樓，買入英國樓，而家英國樓升咗，港樓跌咗，一來一回，返去份身家仲多咗添 」。有移英家庭不昔做太空人，「攞咗英藉返香港冇問題 不過有家庭小朋友估計都繼續讀上去，未必返香港讀，咁父母自然就好難返香港，我聽到有朋友話是但一方返香港搵錢」。
另有網民估會有移英港人中途跳船，「邊度有着數未去邊，香港人特性」、「5+1 年先可以入紙申請永居，當順利加一年永居到手，最小都要7年，即是2028年，照計而家部署緊回流的，應該中途跳船多」、「如果用咗6年係英國生活都仍然覺得需要走回頭路 （通常都係錯判咗英國生活）返去唔係問題，但係真係唔好錯第二次 」。
不過，亦有移英港人堅持留英，「已經settle down，有份長工，買咗樓，真係唔會考慮回流 」、「回流盞玩死自己」、「我就唔會回流，一方面已經搵到份好工，另一方面亦都習慣咗依度�H居住環境，生活方式。不過如果屋企人年紀大咗要照顧，都會兩邊住下咁囉。」
https://www.dotdotnews.com/a/202506/14/AP684cfd6ee4b0a242bf04a6b9.html
