有港人當初打住所謂追求「自由」�H旗號移民英國，結果只有一年貨仔，便已「敗走」回流返港。之不過，在香港撞見朋友被追問回流原因時，就有講大話，「搬最大�H擋箭牌出嚟：身體有事！！」皆因「覺得好樣衰先唔想話比人知回流咗」喎。
有移英港人在社交平台Threads發文，承認自己敗走回流，「我認！我係覺得冇面！！我係敗走！我係回流！我係冇用！放棄晒香港既（�H）所有野（嘢），屋啦、車啦、份工啦……結果一年就決定離開英國返全家返香港！」原本樓主無打算大肆宣揚回流，但因為另一半在網上發文講感受，結果被全世界都知道晒。
正所謂「寧被人知，莫被人見」，樓主憶述在街上遇撞見朋友被追問回流原因，「今日兜口兜面撞到個中學同學……第一句一定係：點解你係道�H？返嚟過年呀？」樓主當場搵藉口推塘，「講大話話係呀係呀咩，最後又要搬最大�H擋箭牌出嚟：身體有事！！」樓主沮喪地表示：「就係唔想解釋咁多先唔想就話比人知敗走咗；就係覺得好樣衰先唔想話比人知回流咗。」結果卻撞到應一應，避都冇得就避。
之後，樓主補充自己家庭背景，提到「我哋係香港算係入門中產，冇買樓租樓住係全新樓，都住咗超過5年，之前個層賣咗賺少少，有車有儲蓄，有個仔讀緊私小。兩個有份超穩定都真係唔會比人炒�H專業/半專業工，加埋月入啱啱過6位數多啲啲。有4大長老要照顧下，但身體健康行得走得去旅行都得，仲會幫手湊下仔。」
至於當初決定移民的英國，是另一半想走，雙方為此嘈過交，樓主死都唔肯應承，「最令我唔肯走�H我係裙腳仔，全家我最大，責任感問題，唔忍心掉低我阿爸阿媽。」但後來樓主出現動搖，其中一個原因是另一半的專業牌照在英國註冊到。
之不過，樓主一家移英後，生活並不如意，大呻真係好難捱，「冇喺英國生活就過，真係唔會明究竟有幾辛苦幾大壓力幾唔易過！」樓主表示「捱到一個身體出事，一個心理出事」，坦言「除咗敗走，根本諗唔到其他出路」！
樓主慨歎真係會山窮水盡，「當一年時間過去，睇到手上舊錢咁樣少落去，再望下生活環境開支一路加大。唔係舊錢用唔到6年，但用晒最後留唔到係英國，入藉後都要返香港搵錢先生活到，咁覺得唔值得為本passport，賠上個刻�H身心唔健康，仲要用晒啲積蓄回流啫！」
https://www.dotdotnews.com/a/202501/27/AP67970612e4b079cd3fc4a458.html
