部份移英港人在社交平台晒瘋狂「囤米」的戰績，甚至因為囤積大量食米，無位放要塞入鞋櫃邊，有當地港人直斥「肉酸」，可能引致短缺：「可唔可以做埋呢啲蝗蟲嘢唔好？......你香港人鬧人哋幾廿年�H嘢，嚟到呢度自己做返。」
英國通脹升溫，有當地港人近日在「英國香港人生活交流區」FB專頁發帖，公審一些移英港人，在高物價下「囤米」的舉動
公審帖文晒出有兩名當地港人，自拍在家囤積約十多包米，其中有移英港人自稱「英國窮Ｘ」，表示：「稅貴物價升，真正積穀防饑。」由於「無位放咁多米」，該港人將十多包米「唯有放鞋櫃隔離」，他更分享這樣存放，不會影響品質：「實有朋友話會蛙米，但實驗試過放近一年都無米蟲。」
樓主在帖文中批評，部份移英港人明目張膽「囤積居奇」：「......可唔可以做埋呢啲蝗蟲野唔好？咁光明正大話畀人聽，仲要話咩擺一年，食幾多買幾多好難呢？」他又批評該囤米港人，「一家四口加埋都冇一百歲，買10包米，全家一齊玩增肌咩。」
樓主強調自己「戒碳水」，因此不是搶不到米而發脾氣，「我最嬲�H點係，你香港人鬧人哋幾廿年�H嘢，嚟到呢度自己做返，仲要唔畀人講，靜靜雞唔得咩？」「你哋買晒咪買晒囉，仲要上網喺度曬命。」
「多香港人�H城市（米）一定空」
他又批評有關行為「肉酸」，「真係會因為你哋咁樣囤積居奇，而導致到其他香港人買唔到呀嘛。」「你估係香港�H時候貨源充足啊？要幾多有幾多啊？我哋全部喺呢度都係小眾嚟㗎，你哋一啲合理�H行為，影響到其他香港人�H群體啊，我哋係小眾入邊�H小眾。」
帖文引發網民熱烈迴響，反應兩極，有當地港人留言反駁：「視唔同地區同情況，有啲可能好快搶哂就話......但好似我呢間�H，巿中心放咗喺度三日，都仲堆積如山......咁如果佢喺度買廿包，係咪又屬於自私呢？」樓主即回應：「多香港人�H城市（米）一定空。」
有人又認為食米無短缺，「佢買10包米儲量有乜問題？」「其實我在香港也習慣一次買十包八包，唔覺有問題。」樓主回應指：「佢冇犯法，只係覺得咁樣好肉酸，因為我哋從來都唔鍾意人哋搶我哋�H資源，而家買米買到其他人買唔到......」「因為你喺香港買10包8包，唔會搞到其他人買唔到。」
有網民則指：「平咗掃貨好正常......聖誕節8p、2kg薯仔，大把鬼佬都買幾十包成車，你唔post鬼佬谷話佢哋。」樓主回應：「香港人香港事去鬼佬group講做咩？......何況啲鬼佬都唔做呢啲嘢，去嗰度講嚟做咩？」
移英港人曾掀搶貓山王潮 群組報料跨區搶米
不少網民認同樓主，指近年出現移英港人搶榴槤潮：「完全同意，過去兩年，Costco�H搶朱古力、搶貓山王潮真係嚇死人。」
有網民亦表示：「完全有同感，仲好似好威咁出post先爆......係我果區，佢地一吹雞，我下午去買就一包都冇......」該網民更指，當地有港人師奶群組會「跨區揸車掃晒附近d米，叫求米group」。
有網民則指出：「......有d港人可能因在英，較香港收入大減下，作出這行為......我見過有人等掃晒8盒特價雞蛋及牛奶（放冰箱）......依d重癲。」
「呢啲唔好講自己係香港人，影衰曬。」「係真係幾肉酸。」「好多嘢都係冇犯法，但唔代表合適。」「真係好羞家！」
英國通脹一度持續高企，雖然最近壓力有所緩和，但最新數據顯示，英國11月（2024年）消費物價指數(CPI)按年升幅由10月的2.3%擴至2.6%，錄得8個月以來最大升幅，當地通脹已進一步高於英倫銀行2%的目標。
https://www.stheadline.com/local-topics/3418120/%E7%A7%BB%E8%8B%B1%E6%B8%AF%E4%BA%BA%E7%98%8B%E7%8B%82%E5%9B%A4%E7%B1%B3%E5%A1%9E%E9%9E%8B%E6%AB%83%E9%82%8A%E6%83%B9%E9%9D%9E%E8%AD%B0-%E7%95%B6%E5%9C%B0%E6%B8%AF%E4%BA%BA%E6%96%A5%E8%82%89%E9%85%B8%E5%9A%9F%E5%88%B0%E5%91%A2%E9%82%8A%E5%81%9A%E5%92%97%E8%9D%97%E8%9F%B2Juicy%E5%8F%AE#gallery-4
