「如水」本答應助去家計會墮胎 後突反口拒批錢
社會之前好擔心有少女會俾暴徒呃去做「天使」，但原來已婚媽媽都會身陷其中。近日，有「黃絲」爆料，話自己有個女「手足」朋友俾男「手足」氹上床，朋友大咗肚後搵唔返個男「手足」，但又因為做暴徒同家人反面、玩罷工俾人炒咗，有錢墮胎就冇錢生活，於是搵專幫「手足」�H泛暴團體「如水救援」去申請筆生活費補貼吓。「如水救援」本來都應承畀2,500蚊生活費，仲叫女「手足」快啲去家計會搞掂佢，但埋門一腳又反口，仲出post話女「手足」因為要申請墮胎費所以唔批。結果，件事俾人揚咗出嚟攬炒，令大家再次見識到「貴圈真亂」�H實況。
■香港文匯報記者 甘瑜
網名「Ci Ci Fung」�H「黃絲」話要幫朋友「討回公道」，於是喺facebook上爆料，話有已婚兼有小朋友�H女「手足」俾男「手足」??上床一夜情後大肚，但搵唔返經手人，決定要去墮胎，但因為生活費搞唔掂，於是向「如水救援」求助。
「如水救援」得知事件後，仲勸佢快啲搵家計會，「唔係遲咗無得食藥」，仲話會派個女同事同佢去家計會，見完家計會後批2,500蚊畀佢做生活費。
屈約家計會見係攞墮胎費
點知嗰日去到家計會，「如水救援」就反口話畀錢人去家計會墮胎係「犯法」同「違反人權法」，所以要女「手足」自己去家計會「解決咗先」，再畀生活費佢，但轉頭又話唔贊成對方做終止懷孕手術，仲掉返轉話女「手足」一直申請生活費，但「竟然約喺家計會見面」，所以唔會批錢，完全人格分裂。
「如水救援」仲喺1月8號出咗個post，入面都提到呢個墮胎個案，仲話佢哋唔支持墮胎，「慶幸及時阻止」批錢咁話。
批「茶半香初」「光榮」走數
俾人反口仲要俾人開post講，嗰個女「手足」自然心傷，「Ci Ci Fung」就話要幫朋友，於是踢爆事件，貼埋「如水救援」同女「手足」�H對話做證明，仲點名黃店「茶半香初」同「光榮」�H老闆。
佢話︰「佢地（哋）應承左（咗）批生活費比（畀）果（嗰）位女『手足』之後，屈返個女『手足』轉頭，話佢申請既（�H）係合法終止懷孕費，勁衰，而且係佢地（哋）叫女『手足』去家計會！約佢果（嗰）度等！一早約既（�H）到果（嗰）日屈人地（哋）話係竟然約果（嗰）度，勁離譜，人地（哋）已經好慘，佢地（哋）咁樣屈人仲喺自己page再屈話人地（哋）申請黎（嚟）做終止懷孕？喺度攞光環食人血（饅頭）！」
咁到底個女「手足」有幾慘呢？根據「Ci Ci Fung」�H講法，個女「手足」因為做暴徒同家人反面，又因為玩罷工而被炒，個老公成日打佢，「佢出到黎（嚟）整親有人關心佢咪比（俾）人呃左（咗）囉。」佢仲話，個女「手足」最後仲因為「如水救援」臨時反口，只好借財仔度日，「而（??）家勁慘。」
「光榮」方面有留言認錯，但就卸責話係「如水救援」其中一個負責人決定，其他人發現後決定唔批，對事件「衷心致歉」，但就冇解釋點解會屈係女「手足」約去家計會。
「黃絲」唔幫手仲要人收聲
咁聲稱要「齊上齊落」�H「黃絲」咩反應呢？就係解決提出問題�H人。唔少人blame the victim，鬧係個女「手足」自己不負責任唔避孕，仲話應該「家醜不出外傳」咁話。「Le Petit Kaar」批評爆料人「講多錯多」，「我都係奉勸你講少兩句。」「Carmen Ip」話︰「呢d（啲）私事揚晒出黎（嚟）比（俾）『藍屍』知道又可以大做（造）文章，『天使』『天使』咁叫，唉。」
就算真係出嚟做雞都唔止2500蚊一個月la冇腦豬西！
