最適合情侶「孖住」出發既9個地方

petertsang

中級骨精

Rank: 9 Rank: 9 Rank: 9

懂得享受中女才是食家

帖子: 1460
精華: 2
積分: 1713
閱讀權限: 70
性別: 男
註冊時間: 2010-4-9
最後登錄: 2025-10-13

發短消息
加為好友
當前離線

1^# 大中小發表於 2016-3-19 02:27 只看該作者

最適合情侶「孖住」出發既9個地方

情侶拍拖除咗行街睇戲食飯，仲有一個指定動作當然係去旅行，唔知你同你男／女朋友去得最多係邊度呢？有無啲地方係令你想一去再去？近日網站buzzfeed做咗投票，邀請咗各位用戶票選出佢地認為最適合渡蜜月既地方，我地特意精選幾個出嚟，煩緊下次一齊去邊度好？不如睇吓以下呢9個地方啱唔啱你？

1. 冰島

講起冰島，相信唔少人第一時間就會諗到極光，呢種唔係度度地方都可以睇到既自然奇觀，十分罕見；而除咗極光之外，冰島仲有温泉、冰川、火山等等，幾乎無處不在。情侶們一齊出發的話，其實可以租架車由東邊一路駕車到西邊，同伴侶一齊蕩失路係個咁surreal既地方，相信點都係享受多過難受啦！

2. 印尼峇里

東南亞的印尼峇里，向來都受唔少遊客歡迎，主要貪去到夠relaxing，最啱同自己男／女朋友一齊去嘆吓，無論游水曬太陽，享受東南亞陽光與海灘，定留喺resort做spa，都有種遠離煩囂既感覺。如果有幸遇到當地人，由佢親自為你介紹最local，最具特色既景點時，相信又會係另類難忘既回憶。

3. 秘魯

南美向來都同「歷史」、「神秘」呢類關鍵詞扯上關係，但如果對於一些鍾情戶外活動，熱愛異地探險既情侶們嚟講，無論去亞馬遜熱帶雨林探險，或者到庫斯科（Cusco），都一定很適合你地，當然唔少得一睹印加帝國既遺蹟馬丘比丘。

4. 意大利

意大利有唔少著名既大城市，羅馬、佛羅倫斯、米蘭等等，如果喺當地自駕遊，就可以駕住車係呢個歷史名城遊覽，穿梭於充滿歷史痕跡既建築之間，可能令你覺得仿如置身古城一樣；當地亦有不少特色小鎮，如果你或者你既伴侶識得駕電單車的話，喺窄巷之間穿梭，相信又係另一種體驗。

5. 南非

南非除咗有野生動物之外，仲有啲乜？答案係火車鐵路！去南非鐵路遊，相信唔係好多人試過，對於一啲鐘意新奇刺激既情侶們，就最適合不過。喺南非一種叫做「非洲之傲」（Rovos Rail）既列車，喺車廂入面望出窗，沿途欣賞非洲的野生生態、遊獵風光，唔知呢種算唔算奢華既冒險之旅呢？

6. 土耳其

去異國遊覽，如果覺得由地平線角度觀賞悶悶哋的話，不如試下換個角度睇下呢個地方？喺土耳其既卡帕多西亞（Cappadocia），你可以選擇乘坐熱氣球，由高空望落去呢個城市，話唔定你會喺呢個充滿大量古羅馬遺址既地方，尤其對一啲喜歡歷史既情侶們，可能會發現到更多樣化的有趣事物，。

7. 美國南部

遊美國南部，駕車來個Road trip幾乎係指定動作，點解？遊覽美國南部，相信唔少人都一定會去佛羅里達州（Florida）、亞特蘭大（Atlanta）、納許維爾（Nashville）、密西西比州（Mississippi）呢啲城市；要穿梭呢個個地方，最方便既交通工具一定係自己駕車，當中一定唔可以錯過既就係經過藍嶺山脈時既風景，留意附近既迷人景色！

8. 俄勒岡州海岸

提到美國西岸，未必人人會諗到以下呢個港口城市——俄勒岡州，原來呢個地方最適合係夏天即將完結既時候遊覽。面前一片汪洋大海，加上附近既峭壁，幾乎塑造出一個完美既自然景觀；此外，俄勒岡州仲有不少博物館、藝術展覽。即使你同伴侶都各有喜好，想睇唔同既野，相信俄勒岡州可以滿足各人不同要求。

9. 華盛頓

去旅行睇其他地方既景點，又點可以唔認識當地既歷史？如果你事先唔夠時間做功課，唔緊要，去到當地邊睇邊認識，印象可能更深刻！就好似美國既華盛頓為例，白宮、紀念碑，仲有巨大既林肯雕像，呢啲都係必去既景點。

TOP

‹‹ 上一主題 | 下一主題 ››