自從網上銀行愈來愈方便之後，不少人都轉用轉數快FPS或payme等方法轉數，但每次過數，都怕自己入錯電話或銀行號碼，入完後要反覆對幾次！近日一位港男表示，突然經轉數快收到陌生人轉賬10萬！雖然「咁大個仔個戶口第一次有六位數」，但大批網民就極力提點，指事件有可能是新型網騙陷阱，叫事主切勿輕舉妄動，更勸他用1方法處理！
港男銀行戶口突獲陌生人轉賬10萬
早前一位港男在社交平台發文，劈頭直指「小弟最近突然收到成十萬銀�H轉賬」。從他上傳的照片中，可見對方疑似經由轉數快轉賬，但可能因為入錯電話號碼而誤轉到事主戶口，「跟住有人又whatsapp我又打俾我，話係過錯數，我就叫佢搵銀行搞返，叫銀行做中間人去搞返退款」。
事主唔敢輕舉妄動
對方極力強調只是「轉錯數」，但事主仍然留有戒心，強硬地稱「我與你互不認識又無關係」，建議對方「耐心地等候銀行處理」。而事主亦在文中驚魂未定地指「大佬，十萬銀齊齊整整五個零，你話幾千幾百都可信，又或者只係過錯幾百蚊�H話，我都可以直接過返俾你」，惟因為是次牽涉金額太大，「十萬蚊我真係唔敢郁」。
網民勸用1方法處理
事主文末苦中作樂地表示，「最X sad�H係，咁大個仔，個戶口第一次有六位數，竟然係因為人哋過錯數」，事件放上網後，大批網民紛紛留言熱議。有網民認為是網騙陷阱，揚言「嗰啲唔係轉賬！係有人以你名義貸款，你轉返比佢就佢袋咗你啲貸款走」、「FPS 高額要有埋戶主全名先轉到，邊有咁易轉錯，小心有人用你名借錢」，亦有網民點出，轉數快最高過數金額應為$10,000，勸事主一定要「交返俾銀行處理」、「係真係假都交俾銀行處理最安全」。
https://www.am730.com.hk/%E7%94%9F%E6%B4%BB/%E7%B6%B2%E4%B8%8A%E7%86%B1%E8%A9%B1-%E6%B8%AF%E7%94%B7%E9%8A%80%E8%A1%8C%E6%88%B6%E5%8F%A3%E7%AA%81%E7%8D%B2%E9%99%8C%E7%94%9F%E4%BA%BA%E8%BD%89%E8%B3%AC10%E8%90%AC-%E7%B6%B2%E6%B0%91%E6%86%82%E6%96%B0%E5%9E%8B%E8%A9%90%E9%A8%99-%E5%BB%BA%E8%AD%B0%E7%94%A81%E6%89%8B%E6%B3%95%E8%99%95%E7%90%86/614615
