【星島日報報道】一段外僱疑遭僱主虐打的片段昨日(1日)在社交網站瘋傳，警方經調查後，昨日晚上在黃大仙區拘捕一名79歲姓彭女子。案件列作普通襲擊及刑事恐嚇，交由黃大仙警區刑事調查隊第六隊接手調查。
一名在本港工作的印僱，前晚在其facebook直播與老僱主吵架的情況，為時約12分鐘。最開始滿頭白髮的女僱主詢問女傭「我係咪對你好差？」女傭回答「永遠都係婆婆啱」，「唔知婆婆想做乜」，坦言少少事件便會被罵。婆婆隨即反駁「你令到我好火滾，我未試過用工人用到你咁」，並用手指指着女傭的頭部，要求她自行辭職，惟女傭不同意「唔係我唔啱，唔會辭職。」其後兩人的爭吵越見激烈，女傭批評婆婆善忘「搵唔到覆診卡又鬧我」，婆婆憤怒反擊「我鬧你啲咩」，又解釋「唔係鬧你，係勞氣」，然後推了女傭的身體數下。當婆婆離開房間後，女傭對着鏡頭以印尼語說話。婆婆聞聲緊張再次走入房間問道「你鬧我乜野」，然後指罵「你對老人家咁不得好死」，將女傭推倒在牀上並多次掌摑其手及臉部，「你講中文唔好講𠵱啲話！」
婆婆的情緒越來越激動，一邊罵着「你咁衰�H你，講我」，並用力掐着女傭的頸部「我要謀殺你」，「我要同你一齊死！」片段最後可見女傭的臉部紅腫，並對着鏡頭哭泣。
