大埔巴士車禍發生超過一星期，社會上對巴士行車安全的討論未有間斷。近日又有網民上載片段，一名乘客與車長因為飛站問題激烈爭吵，再次引起討論，「其實究竟咩情況可以同車長投訴，咩情況唔可以？或者應該要用咩語氣先恰當？係咪一大聲就錯？」
網民在Facebook群組「巴士的事討論區」上載片段，一名乘客在晚上乘坐巴士，上車後向車長投訴前一班車飛站，「唔該晒司機，新年快樂，係你先咁好，前一個司機飛站，我拍車門，佢都飛站」，司機則低聲回應，「入去坐啊」，乘客表示聽不清楚，司機再表示，「入去坐」，乘客似乎依然聽不清楚，「佢錯？我投訴過佢好多次啦」。
司機見狀只好再說，「入去坐唔該！」乘客則要求車長正視飛站問題，車長這時高聲表示，「唔好飛站吓話？得啦！」乘客大聲回應，「唔係你呀依家！我話上一個司機啊！聽唔聽得明啊！」雙方似乎因溝通出現誤會而起爭拗。
有網民認為既然與自己無關，車長不必與乘客爭拗，「咁使咩勞氣，同佢講，唯一幫你就係畀個投訴電話你，其他同我講都無用」，亦有人批評乘客無理，「上一個司機飛站關呢一個司機咩事？」不過亦有網民認為車長也有責任，「車長又要起火再加把火，好多時衝突就咁嚟」、「個車長同呢位小姐講嘢時，亦都毫不客氣」。
http://hk.on.cc/hk/bkn/cnt/news/20180219/bkn-20180219120007214-0219_00822_001.html?refer=hn
