在經濟不景之際，不少移英港人絕對會應慳則慳，每逢月尾都要搞盡腦汁「掙扎度日」。有移英港男日前在社交平台晒出連鎖快餐店的一大桶炸雞翼，話「加個飯，煮個粟米汁，2個人夠食1日3餐」，大嘆個個月都掹掹緊。
「黃大爸英國新煮意-得閒飲茶在Manchester」日前喺fb專頁晒出一幅用餐照片，可見有一大桶KFC，一碟粟米汁配白飯、再加上一隻炸雞翼，以及一罐飲料，話「1桶20隻£7.99，加個飯，煮個粟米汁，2個人夠食1日3餐」，形容是「窮L恩物」、「月尾靠佢了」。
樓主表示自己又窮又為食，「 為求即刻食，飯係夜晚食剩翻熱�H，經過kfc 真係俾炸雞味勾左個靈魂過去，但有冷飯，有炸雞翼，咪快手推個汁」，「我食4隻一餐，有汁有飯，飲埋嘢都飽了，我老婆3隻就夠」。
帖文引來不少移英網民圍爐取暖，「咁我餐餐都要靠佢啦,我長期糧尾」、「去超市買雞髀1kg 兩英鎊多少少，自己煮仲平」、「求其一日五餐出前一丁啦，每碗3隻雞翼加啲蔥花，仲平」、「我通常可以分幾餐食，有時淨食，有時拆肉用嚟煲雞肉飯」。
https://www.dotdotnews.com/a/202507/02/AP6864bf83e4b0a242bf06e244.html
