每當人多輪候入座，不少酒樓或餐廳都會安排客人「搭枱」，希望縮短食客等位的時間。近日，有食客於網上群組分享日前於酒樓經歷的「獨特」搭枱安排，當時酒樓不乏「吉枱」，但職員仍堅持安排事主搭枱，更表示出於1個原因不肯開新枱，引來事主及其他客人不滿。不少網民認為酒樓此舉趕客，更表示「冇生意仲要咁做」。
香港「搭枱」文化久遠，原意希望能夠縮減等位時長，不少港人對此亦相當習慣。不過，最近有食客分享自己於酒樓的「獨特」搭枱安排。事主表示，當日到酒樓飲茶時，發現裏面有不少「吉枱」，惟職員仍安排事主搭枱，不肯開新枱讓他入座。事主不解酒樓為何有此安排，職員則解釋是老闆指示要坐滿一枱客人，才能另開一張新枱。事主認為這做法「越攪越少生意」，他更形容現場有一位客人先入座新枱，但「坐低咗比人叫返起身」，隨後更向職員發火大鬧安排不當。
網民斥趕客：唔多客仲要強迫搭枱
對於酒樓的安排，不少網民表示無理，表示「唔多客仲要強迫搭枱真係趕客」、「分散坐先至覺得唔會零零落落，有人氣㖭」、「一開始四圍好多吉枱而迫我搭去其他人度，咁我寧願走」。有網民表示如果近乎滿座時要搭枱尚可理解，「都冇生意仲要咁，除咗走我都諗唔到有其他選擇」、「如果客客氣氣講，我都唔介意搭枱�H」、「張枱食大我覺無問題，最慘細枱要搭枱，啲嘢根本唔夠放」。
不過，有網民認為搭枱很常見，無必要大驚小怪，「第一日飲茶咩，不嬲都要搭枱啦」。有網民推斷酒樓做法的用意，或想節省成本，「其用意是集中啲茶客，方便服務」、「諗住洗少啲枱布碗筷」、「因為唔想換桌布要畀錢洗」。有網民分享其他酒樓做法，將客人分開輪候搭枱與不搭枱，「想快有枱就搭，唔搭枱就可能要等耐啲，其實都好公平」。
https://www.stheadline.com/food/3461918/
