唔少移英港人英文水平不足、對當地文化了解低，搞到搵唔到工，惟有上網求助同路人，話想搵西式超市或倉務的工作喎。不過，卻換來他人的冷嘲熱諷「唔識英文點樣喺英國生存」、「你見西超裡面d貨有中文咩」。
有移英港人求職遇上困難，遂在fb群組「香港人移民英國資訊分享」發文求助同路人，指自己想搵西式超市或倉務的工作，惟不諳英語，亦不清楚是否要經中介搵工，「請問邊度可以請人做西超（Lidl,Asda,Tesco等等）或倉務工作（Amazon等等）？係咪一定要經Agency?容唔容易被聘用？唔識英文可以做嗎？謝謝！」
結果被同路人大撥冷水，「唔識英文點樣喺英國生存」、「唔駛見工？」、「自己去搵下呀，簡單英文都要識啦，你見西超裡面d貨有中文咩」、「唔識英文唔搵Agency人哋請你？」、「少少英文都要識㗎，唔係點interview?」。不過，亦有人建議樓主直接向超市申請工作，「有得做就盡力做，做到有人離職你就有機會」。
https://www.dotdotnews.com/a/202506/04/AP683fd9efe4b0a242bf035c30.html
