‹‹ 上一主題 | 下一主題 ››
發新話題
打印

雞翼見血疑未熟求換 長沙灣燒味店要退貨客付「咬過」雞翼錢 事主怒斥：唔咬過點知生？

中女情人

分區版主

Rank: 24Rank: 24Rank: 24Rank: 24Rank: 24Rank: 24

帖子
8680 
精華
20 
積分
13662 
閱讀權限
210 
註冊時間
2004-12-12 
最後登錄
2025-4-6 

金牌會員勳章 銅牌會員勳章 原創會員勳章 銀牌會員勳章 忠實會員勳章 傑出會員勳章 動力會員勳章 迎新勳章 最佳人緣勳章 優秀管理人員勳章 分區版主勳章 版主勳章 熱心擧報勳章 資深會員勳章 資深版主勳章 榮譽會員勳章

1# 大 中 小 發表於 2025-3-5 19:18  只看該作者

雞翼見血疑未熟求換 長沙灣燒味店要退貨客付「咬過」雞翼錢 事主怒斥：唔咬過點知生？




有網民在長沙灣一間燒味店購買滷水雞翼，回家進食時發現見血疑未熟，拿回店家退貨時，店方竟指事主「食過」雞翼，要求事主就被咬過的雞翼付錢，才可退貨，事主怒斥：「唔咬過點知生？」「你畀啲生嘢我食，仲要我畀錢？」

事主在「長沙灣美食及消費關注組」FB專頁發布與店家對質的影片，《星島頭條》今日（5日）早上向該店店長查詢，事件詳情及店長的回應，詳情如下：







































事主昨日（4日）在「長沙灣美食及消費關注組」FB專頁發帖，表示在長沙灣一間燒味店「買咗幾隻燒雞翼生�H！食到雞翼中間個位，完全好似刺身咁......仲有少少漂白水味」，他於是到店家要求退換。

事主拍攝當時退換情況，店方一名女職員向他多次表示：「你都食咗囉喎！你都食咗囉喎！」女店員再向事主強調：「你都食晒囉喎！」事主反駁：「食晒？！」女店員表示：「你呢個唔係食晒咩？」畫面這時拍向該盒退貨的懷疑生雞翼。事主指出：「我應該係食咗兩隻或者一隻，係咁上下，你話食晒？」

事主：你畀啲生嘢我食，仲要我畀返錢你！

這時一男店員大聲向事主表示：「扣錢囉，你食咗咪扣囉！扣返錢出嚟囉！」事主怒斥：「扣幾多錢啊，你畀啲生嘢我食，仲要我畀錢啊！」男店員回應說：「兩隻就14囉！」意即兩隻雞翼要事主付14元。事主這時再重申：「即係你畀啲生嘢我食，仲要我畀返錢你！」該男店員再大聲喊：「你食落去咁又點（計）啊！」

事主質問：「你咪唔畀我退？」男店員反駁：「依家退返畀你，無話唔畀你退喎。」事主追問：「使唔使收我錢？」男店員說：「咁你食咗點啊！咁你食咗點啊！」他指著該被咬過雞翼表示：「咁我呢啲又點先！你自己講囉！」
網民：錯咗仲咁惡

事主在鏡頭前拿出一些紙幣：「你想收錢，我畀返錢你，收幾錢啊？你畀啲生嘢我食喎。」男店員這時轉身走開，邊走邊說：「畀返錢咪畀返錢囉！你話幾多錢咪幾多錢囉！」

事件引發熱烈迴響，在多個社交平台瘋傳，不少網民非議店家的待客態度：「長沙灣呢單真係人神共X，唔咬過點知係生呀？唔咬過都知係生即係有特異功能？」「食又點知係生？唔食又點知唔熟？」「唔食過，點知係生。」「好心換比人啦，大家D態度又衰。」「錯咗仲咁惡。」「講多無謂啦∼即刻報警報食環。」「實好簡單就處理到啦，『對唔住，我退返錢俾你』又或者你換過其他嘢。」
記者查詢 店長：唔好意思啊，依家忙緊

記者今早致電該店查詢，自稱店長的女職員未聽完提問，即表示：「唔好意思啊，依家忙緊，開緊銀頭啊咩嘢，未方便啊，唔好意思啊。」記者問她什麼時間致電才方便，她說：「晏啲啦，我依家啱啱開檔啊，我啲銀頭數緊，未得閒啊！」

記者問具體什麼時間方便受訪，她說：「啊......中午嗰個時候啦。」記者問是否中午12點，她表示：「嗰陣時最忙。」她說：「啊......2點鐘嗰個時候啦。」

記者問都已談了好一會兒，何不現在回應，她即說：「我依家忙緊啊，數緊啲錢！」記者問屆時找誰回應事件，她說：「你打嚟有人聽㗎啦，OK㗎啦！」她隨即表示：「我唔同你講住，我依家忙緊啊，唔好意思啊！」之後掛線。

https://www.stheadline.com/local-topics/3434689/%E9%9B%9E%E7%BF%BC%E8%A6%8B%E8%A1%80%E7%96%91%E6%9C%AA%E7%86%9F%E6%B1%82%E6%8F%9B-%E9%95%B7%E6%B2%99%E7%81%A3%E7%87%92%E5%91%B3%E5%BA%97%E8%A6%81%E9%80%80%E8%B2%A8%E5%AE%A2%E4%BB%98%E5%92%AC%E9%81%8E%E9%9B%9E%E7%BF%BC%E9%8C%A2-%E4%BA%8B%E4%B8%BB%E6%80%92%E6%96%A5%E5%94%94%E5%92%AC%E9%81%8E%E9%BB%9E%E7%9F%A5%E7%94%9F%E8%A8%98%E8%80%85%E6%9F%A5%E8%A9%A2%E5%BA%97%E9%95%B7%E5%92%81%E5%9B%9E%E6%87%89Juicy%E5%8F%AE

TOP

‹‹ 上一主題 | 下一主題 ››
發新話題